Ölürəm
Vətənimin qəlbi dağlı,
Ölürəm ana, ölürəm.
Övladının yolu bağlı,
Ölürəm ana, ölürəm!
Həsrət qalmışam Laçına,
Xocalı gəlmədi cana,
Ürəyimtək əğyar yana
Ölürəm ana, ölürəm!
Dəniz olub göz yaşlarım,
Susub səslənməyir tarım.
Qəlbdə Qarabağ qubarım,
Ölürəm ana, ölürəm!
Qovuşmadıq son nəfəsdə,
Durub düşmən bizə qəsdə,
Qulağım şad xəbər, səsdə
Ölürəm ana, ölürəm!
Təravətli yaz Qarabağ
Ən incə avaz Qarabağ
Başdaşıma yaz Qarabağ
Ölürəm ana, ölürəm!
Qarabağ
Laçın da bizimdir, Şuşa da bizim,
İzləri qəlbimdə var düzüm-düzüm,
Elə istəyirəm ana vətəni,
Qarabağ yurdunu bir də mən gəzim.
Qəlbinin bircəcik arzusun bilim,
Çağlayan bulaqlar başına gəlim.
Kövrəlsin, razıyam, töksün göz yaşı,
Toxunsun gözünün yaşına əlim
Atlar qana batıb cıdır düzündə,
Kədəri, qüssəsi vardır üzündə,
Hələ sağalmayıb yaraları da
Düşmən gülləsinin izi dizində
Bülbülü inciyib, gülü xar olub,
Enli küçələri yaman dar olub.
Anam Azərbaycan danmaz övladın,
Qarabağ adında övlad var olub!
Vətən nədir?
Vətən nədir? Qoynunda göz
açdığım,
Ulduz olub səmada nur saçdığım.
Ətirli gülləri mənə qoxladan,
Üzrəində oynayaraq qaçdığım.
Vətən nədir? Vətən
hardan başlanır,
Necə izah olunaraq açılanır.
Xoşbəxtdirmi vətənini sevməyən,
Belələri vətəndə də daşlanar.
Vətən nədir? Qarşıda kı xoş həyat,
Yoxsa deyən “keçmişinlə uyu,
yat”
Harada yarandın, harada sərbəstsən,
Bütün insnlara vətən kainat.
Vətən nədir?gəzmək üçün bir məkan,
İnsan sevincinə eləyən təkan,
Şəhla üçün vətən geniş anlamdır,
Vətəndə ayağa batmaz bir tikan.
Azərbaycan
Havası damarda qandan əzizdir,
Cənubu Şimaltək bizə əzizdir,
Tarix səhifəsində qalan bir izdir.
İkiyə bölünüb bir ürək, bir can,
Qəlbi, ürəyi dərdli Azərbaycan!
Bir zərif gül idin dərdilər səni,
Sonra qopardılar ləçəklərini,
Artırdılar artıq olan dərdini,
Zəhərləndi damarlarında al qan,
Hanı böyük, qüdrətli Azərbaycan?!
Şahları ağladan hökmdarların,
İtirdik o qoyduqları mirasın,
İşğalına düşdü havadarların,
Susdu heyrətləndi bu işə cahan,
Övladına həsrətli Azərbaycan!
Düşmənlər qəlbini diddi, dağıtdı,
Sərvətini hərə bir yana dartdı,
Bununla ah-nalə göylərə çatdı,
Fələyin çərxini fırlatdı dövran,
Yenə savaş qeyrətli Azərbaycan!
Gül ikən ləçəyin İranda qaldı,
Rus, erməni gözəl ətrini aldı,
Üçündən bir hissən qələbə çaldı,
Qiymətlidir indi hər dəqiqə, an
İndi də çox hörmətli Azərbaycan
Blogger ŞƏRHLƏRİ
Facebook ŞƏRHLƏRİ