Kara gəlməz bu gördüyüm röya da,Bir balığam, səbr udmuşam dəryada…
Bizdən sonra nə qalacaq dünyada,
Şeirimizdən, türkümüzdən savayı?
Bir sevginin qaldı ahı ortada,
Mən adlı bir nökər-şahı ortada…
Nə yaşadıq? Nə var axı ortada –
Tənəmizdən, ərkimizdən savayı?
Mən adlı bir nökər-şahı ortada…
Nə yaşadıq? Nə var axı ortada –
Tənəmizdən, ərkimizdən savayı?
Çılğın könül ülvi eşqin odası,
Nə uzaqmış bu Məhəbbət Adası?…
Mənim üçün bu dünyada, qadası,
Bir kimsə yox, ikimizdən savayı…
Nə uzaqmış bu Məhəbbət Adası?…
Mənim üçün bu dünyada, qadası,
Bir kimsə yox, ikimizdən savayı…
*
Hanı bu bəxtin hakimi?
Oğulsan apar yükümü…
Ömrüm boyu dəniz kimi,
Qabarmışam, çəkilmişəm.
Oğulsan apar yükümü…
Ömrüm boyu dəniz kimi,
Qabarmışam, çəkilmişəm.
Gəldimsə Dərdin xoşuna,
Məni burax özbaşıma –
Anam, bəxtəvər başına,
Böyümüşəm, yekəlmişəm…
Məni burax özbaşıma –
Anam, bəxtəvər başına,
Böyümüşəm, yekəlmişəm…
Səs salma, haldayam, adam,
İçimdən gələn haydayam,
Doğulandan bu boydayam –
Öz əynimə tikilmişəm!…
İçimdən gələn haydayam,
Doğulandan bu boydayam –
Öz əynimə tikilmişəm!…
*
Bu həyat tanışdı bizə,
Dünya bir qarışdı bizə,
Qızmar yay da qışdı bizə,
Hələ sazağıq, qadası.
Dünya bir qarışdı bizə,
Qızmar yay da qışdı bizə,
Hələ sazağıq, qadası.
Təpədən zirvə gözləmə,
Dayanma get…və gözləmə,
Gözləmə, meyvə gözləmə,
Hələ yarpağıq, qadası.
Dayanma get…və gözləmə,
Gözləmə, meyvə gözləmə,
Hələ yarpağıq, qadası.
Ömür od üstə bişməkdə…
Qəfil dönüb dəyişməkdə,
Dilləşməkdə, deyişməkdə,
Hələ qoçağıq, qadası.
Qəfil dönüb dəyişməkdə,
Dilləşməkdə, deyişməkdə,
Hələ qoçağıq, qadası.
İçilməmiş bulağıq biz,
Yazılmamış varağıq biz,
Vallah, hələ uşağıq biz,
Hələ uşağıq, qadası!
Yazılmamış varağıq biz,
Vallah, hələ uşağıq biz,
Hələ uşağıq, qadası!
*
Kara gəlməz bu gördüyüm röya da,
Bir balığam, səbr udmuşam dəryada…
Bizdən sonra nə qalacaq dünyada,
Şeirimizdən, türkümüzdən savayı?
Bir balığam, səbr udmuşam dəryada…
Bizdən sonra nə qalacaq dünyada,
Şeirimizdən, türkümüzdən savayı?
Bir sevginin qaldı ahı ortada,
Mən adlı bir nökər-şahı ortada…
Nə yaşadıq? Nə var axı ortada –
Tənəmizdən, ərkimizdən savayı?
Mən adlı bir nökər-şahı ortada…
Nə yaşadıq? Nə var axı ortada –
Tənəmizdən, ərkimizdən savayı?
Çılğın könül ülvi eşqin odası,
Nə uzaqmış bu Məhəbbət Adası?…
Mənim üçün bu dünyada, qadası,
Bir kimsə yox, ikimizdən savayı…
Nə uzaqmış bu Məhəbbət Adası?…
Mənim üçün bu dünyada, qadası,
Bir kimsə yox, ikimizdən savayı…
Gündüz sevindik
Blogger ŞƏRHLƏRİ
Facebook ŞƏRHLƏRİ