Səndən bir xahişim var
canım , gözüm.
Şəklimi çək , saxla,
sevməsəm də şəkilləri.
Həyat fani, ömür qısa ,
sabaha yoxdur inam.
Olmadı bəlkə sabahım
şəkillər olsun yadigarım.
Necə düşməyimin yoxdu fərqi,
Yetər ki görünsün gözümdəki sevgi.
Çək , həyatım , çək
unudulmaqdan qorxanın şəklini çək .
Tozlu rəfdə qalsa belə, yenə çək.
Olmadığım zamanlarda
şəklimə bax,
gülümsə,
məni yad et.
Şəkillərdə olum
yarın, sirdaşın.
Bir gün yorsa səni
şəkildəki susqunluğum ,
at şəkili bir kənara.
Yaşa həyatını , həyatım,
qınanmaqdan qorxma , canım,
Ölənlə ölünməz ki
yaşamaq sənin də haqqın.
Blogger ŞƏRHLƏRİ
Facebook ŞƏRHLƏRİ