Bir
kaman ağlayır Habil əlində,
Mənim
də kamanım yarın əlində.
Ağladır,sızladır
hər pərdəsində,
Görən
yorulmazmı yar cəfasında.
Kamanın
səsi hələ qulaqlarımda,
Könlümün
simləri yar mizrabında.
Çalır
pərdə-pərdə öz havasında,
Görən
yorulmazmı yar cəfasında.
Çalınan
musiqi sanki ruhumda,
Qəlbimlə,duyğumla
eyni havada.
Nazlı
yarım qoydu məni fəraqda,
Görən
yorulmazmı yar cəfasında.
Habil
sevgisindən çalır kamanda,
Səslənir
qəlbimdə çalan kaman da.
Etibarın
bu yorulmuş vaxtında,
Görən
yorulmazmı yar cəfasında.
Etibar Salmanov.
Blogger ŞƏRHLƏRİ
Facebook ŞƏRHLƏRİ