Sözə sığmaz bəzi həqiqətlər, əzizim
məsələn,
"Vətən nədir?" deyə sordum anama bir gün
udqunub
evimizin köhnə divarında asılan
şəhid dayımın saralmış şəklini göstərdi gözləri ilə
və yaş gilələndi yanaqları boyunca...
"Bəs azadlıq?"- dedim.
Göz yaşlarını sildi kəlağayısının ucu ilə;
Sevgilim, mən azadlığın nə olduğunu
anamın əlləri əsə-əsə
saçlarını qulaqlarının ardına bənd etməsindən öyrəndim.
Görünməz sancaq,
qara, uzun hörüklərinin dən düşmüşünü gizlədən həna...
bildim ki, bəzi şeylərin görünməsi ayıbdı
bəyaz olsalar belə.
Və gəl sənə iki sirr açım bu gecə:
Birincisi budur ki,
tavanı hündür otaqlarda daha böyük olur sənsizlik.
İkincisi...İlqar Kamil
Blogger ŞƏRHLƏRİ
Facebook ŞƏRHLƏRİ