Uşaqsız gəlinlərə

Üzümə vurma, ay uşaq,
Üzüm tökülür yerə.
Toz basmışdı ürəyimi üstünü,
Tozum tökülür yerə.
Allah məni elə seçdi,
Gəlinlərin arasında.
Mənim evlad payım gəlməz,
Gələnlərin arasında.
Göydə külək uğuldayır,
Buludlara layla çalır.
Mən yazığın dili çönüb,
Laylanı da vayla çalır.
Üzümə vurma, ay uşaq,
Üzüm tökülür yerə.
Ağlayıram gözlərimdən
Oğlum, qızım tökülür yerə.

Xəyalə Sevil

Share on Google Plus

"eqoist": Unknown

Siz də öz yazılarınızı azizalibeyli@gmail.com və turalnuriyev679@gmail.com e-poçt ünvanlarına göndərə bilərsiniz.