Mənim yaralarım sağalmasın qoy.
Qaldırmaq istədik o ağır daşı,
Qaldırdıq, altından ilanlar çıxdı.
Qırmızı çuxalı imperiyanın,
İçindən ağ donlu yalanlar çıxdı.
Bəzəkli-düzəkli sözlərə uyduq,
Türk oğlu sıyrılıb adından çıxdı.
Torpağın adını millətə qoyduq,
Millətin öz adı yadından çıxdı.
Birdən tanımaram, gülər üzümə,
Yanımdan yurdumun yağısı keçər.
Birdən dost görünər düşmən gözümə,
Sağalar, yaramın ağrısı keçər.
Mənim qan yaddaşım qaysaqlamasın,
Mənim yaralarım sağalmasın qoy.
20 yanvar 2003
Blogger ŞƏRHLƏRİ
Facebook ŞƏRHLƏRİ