Bəxtiyar Elcan- Sevdam – ölüm şərqisi

Bu yazıya dəfə baxılıb

Fikrim – qərib belidi,
yurdsuzluqdan əyilib.
Şadlığım – gəlin donu,
bircə dəfə geyilib.

Sevdam – ölüm şərqisi,
gələcəkdən səslənir.
Kölgəm – ruhumun əksi,
ayaq altda gizlənir.

Qəmim – içimə enən
Dəli vulkan boğazı.
Qəlbim saf duyğu adlı
Əlil qullar ağası.

Həyat – sevimli girdab,
içi zəliylə dolu.
Yolum – ölümə gedən
bir vəfalı qul yolu.

Zaman tikandan iti,
yaman girir gözümə.
Varlığım yurda dərddi,
Tənhalığım özümə.

Siz də öz yazılarınızı azizalibeyli@gmail.com və turalnuriyev679@gmail.com e-poçt ünvanlarına göndərə bilərsiniz.

Oxşar yazılar