Bir siqaret yandırmaqla həzm elədim sənin nişan xəbərini.
Gedirsənsə get nə deyim,qoy o bilsin dəyərini.
Gedişinlə bir səadət üzərindən xətt cəkirsən.
Gedişinlə bir ömürlük sədd çəkirsən,
Keçmiş ilə gələcəyin arasından.
Zaman-zaman qan sızacaq bu ürəyin yarasından.
Gələn-gedən seyr edəcək sənin bu rəsm əsərini.
Bir siqaret yandırmaqla həzm elədim sənin nişan xəbərini.
Gedirsənsə get nə deyim,qoy o bilsin dəyərini.
Ölüm-itim dünyasında bir də çətin görüşək biz.
Nələr oldu,nələr keçdi bir də çətin bölüşək biz.
Bu günümdən sabahıma olan körpü yanmış artıq.
Bu günümün səbəbkarı dilin məni danmış artıq.
Sən danmaqla İlahi də çəkmiş məndən nəzərini.
Bir siqaret yandırmaqla həzm eledim sənin nişan xəbərini.
Gedirsənsə get nə deyim,qoy o bilsin dəyərini.
Mən gəlməmişdən dünyaya xeyir şərə yozulubmuş.
Mən gəlməmişdən dünyaya yaxşı nə var pozulubmuş.
Mən gəlməmişdən dünyaya tale yolum cızılıbmış.
Mən gəlməmişdən dünyaya bu bəxt belə yazılıbmış.
Sanki,mənə saxlayıbmış dünya qəmi-kədərini.
Bir siqaret yandırmaqla həzm eledim sənin nişan xəbərini.
Gedirsənsə get nə deyim,qoy o bilsin dəyərini.
Blogger ŞƏRHLƏRİ
Facebook ŞƏRHLƏRİ