Atıb bəndəliyin daşını bir gün,
Alçala-alçala gedəm Tanrıya.
Sərhədsiz göylərin sığınacağında,
Yerlərdən şikayət edəm Tanrıya.
Qənim kəsilibdi yerə şər axı,
Dözürəm, bəlkə son yetişər axır.
“Üzüm də gəlməyir” nə qədər axı,
Gündə gileylənər adam Tanrıya.
Əllərim dizimdə, dizim yolunda,
Tapdım ürəyimə dözüm yolunda.
Eşqi sinəmdədi izim yolunda,
Demirəm özgəyəm, yadam Tanrıya.
…Alnım sevir dizimi
Üstünə su çilənmiş,
Ocaq bildim özümü.
Ya üfürüb odlayın,
Ya söndürün közümü.
Ocaq bildim özümü.
Ya üfürüb odlayın,
Ya söndürün közümü.
Ruhu qanadlı eşqə,
Ağuşu odlu eşqə,
Düşüb dərd adlı eşqə,
Alnım sevir dizimi.
Ağuşu odlu eşqə,
Düşüb dərd adlı eşqə,
Alnım sevir dizimi.
Günümə bax, bir hələ,
Ələyir xəlbir hələ,
Zaman əridir hələ,
Ömür adlı buzumu.
Ələyir xəlbir hələ,
Zaman əridir hələ,
Ömür adlı buzumu.
Qəlbin yükü gözümdən,
Düşmür iki gözümdən.
Yaş çıxmır ki, gözümdən,
Qəm çıxarır gözümü.
Düşmür iki gözümdən.
Yaş çıxmır ki, gözümdən,
Qəm çıxarır gözümü.
Köksü dərdə cığıram,
Tənha Eşqə sığıram,
Daha əllə yumuram,
Nisgil yuyur üzümü.
Tənha Eşqə sığıram,
Daha əllə yumuram,
Nisgil yuyur üzümü.
Boğuluram quyunda,
Çağır gəlim çiyində,
Tanrım, apar göyündə,
Bəlkə tapam dözümü.
Çağır gəlim çiyində,
Tanrım, apar göyündə,
Bəlkə tapam dözümü.
Çıx
get ruhum...
Torpaqdan bir-bir yoğrulur,
Kündə buluddan aşağı.
Neçə kündə ruhla bişir,
Gündə buluddan aşağı.
Didərginəm, qovulmuşam,
Gəlib dərdə yol olmuşam.
Mələk idim, qul olmuşam,
Mən də, buluddan aşağı.
Milyon ildi söküb-tikib.
Hərə sonda bir “daş əkib”.
Haqdan “Tanrı yolu”çəkib,
Din də, buluddan aşağı.
Dartınır insan yuxarı,
Çün çəkinir can yuxarı.
Allah buluddan yuxarı,
Bəndə buluddan aşağı.
Nalə, fəryad, ölüm, qarğış,
Xeyrə doğru şərlə çarpış.
Yer neyləsin tufan, yağış,
Çən də, buluddan aşağı.
Çıx get ruhum “qənim” kimi,
Əzabdasan tənim kimi.
Nə durmusan mənim kimi?!
Sən də, buluddan aşağı.
Dünən
dünyaya gələn...
Dünən dünyaya gələn,
Bəyaq bezib dünyadan.
Yatır fikri dağılsın,
Oyaq bezib dünyadan.
Alnım bitib dizimdə,
Gözüm yatım dizimdə.
Dözüm itib dizimdə,
Ayaq bezib dünyadan.
Ürək odda, təşnədə,
Fikir dağnıq, qəlb zədə.
Nəinki biz, bəlkə də,
“Dayaq” bezib dünyadan.
Ömür axır…
Allah sevib ruhum üstə,
Göndəribdi bəndə məni.
Sıfırına doğru çəkir,
Həyat gündə, gündə məni.
Göndəribdi bəndə məni.
Sıfırına doğru çəkir,
Həyat gündə, gündə məni.
Vaxtla bürünə-bürünə,
Ömür axır su yerinə,
Tanrı dünya təndirinə,
Eyləyibdi kündə məni.
Ömür axır su yerinə,
Tanrı dünya təndirinə,
Eyləyibdi kündə məni.
Qucağımda uyanlarım,
Nəfəsimlə doyanlarım,
Çiynimə baş qoyanlarım,
Aparar çiyində məni.
Nəfəsimlə doyanlarım,
Çiynimə baş qoyanlarım,
Aparar çiyində məni.
Gözlərim qəlbimin
danışan dili…
Gözlərim qəlbimin
danışan dili,
Qəlbimsə Tanrının söz qəfəsidi.
Əsiri olduğum bəzəkli dünya,
Məni yaradanın öz qəfəsidi.
Gəlişi, gedişi sirr gizli ruhun,
Ölüm payı varmış hər gizli ruhun.
Dərgah hər bədəndə bir gizli ruhun,
Məzarsa bədənin “buz qəfəsi”di.
Ölümə əlac yox, dərdəsə ancaq,
Tapılsa tapılar “Bir”dəsə ancaq.
Göydə buludlarda, yerdəsə ancaq,
Kədərin yuvası “göz qəfəsi”di.
Bu
həyat savaş olub...
Qanad yox, yerdən qopub,
Uçam Tanrıya sarı.
Əlac qaldı əlimi,
açam Tanrıya sarı.
Bu həyat savaş olub,
Dərdi başa “daş” olub.
Ölüm gələ qoşulub,
qaçam Tanrıya sarı.
Neynəm, vaxt ötkəm gedir,
Nə ruh, nə də, qəm gedir.
Yatmaram bilsəm gedir,
Gecəm Tanrıya sarı.
Dünya Gənc Türk Yazarlar Birliyi İdarə Heyətinin üzvü
Blogger ŞƏRHLƏRİ
Facebook ŞƏRHLƏRİ