Gözlərin
körpədir hələ,
Böyüyəcəksən,
əvvəl böyük sonra kiçik
görəcəksən dünyanı-
necə varsa elə,
dünyanın özü qədər.
Eşidəcəksən
hərədə bir söz
hərədə bir hekayət
dəyişəcək hal-əhval
hərədə bir ehtimal
xəyanət görəcəksən.
Hələ ki körpəsən,
Suad,
dinəcəksən,
danışacaq ürəyin
nağılın sözü qədər,
əsəcək ürəyin
sözün həzin mehində.
Uzaqları göstərən
bu balaca əllərin
bu körpə ürəyin
ovucların qədər,
görəcəksən
eşidəcəksən
dinəcəksən.
Baxdığın gözlərin
uzatdığın əllərin
danışdığın sözlərin
dünyanın özü qədər.
Aliyə Əsədova
yazılma tarixi-29.09.2013.
dəfə baxılıb
Blogger ŞƏRHLƏRİ
Facebook ŞƏRHLƏRİ