Akif ABBASOV
Kamilin
oğlu universitetə qəbul olunmuşdu. Kamil dilindən çıxmışdı ki, dostlarına
yaxşı qonaqlıq verəcək. Şad xəbəri alan kimi onları başına yığdı. O,
doqquzmərtəbəli binanın beşinci mərtəbəsində yaşayırdı. Həyətin bir başında bir
yeri hasarlayıb özü üçün balaca bağça düzəltmişdi. 9-10 kiloqramlıq bir quzusu
vardı. Tez onu yerə yıxıb başını bədənindən ayırdı, dəridən çıxartdı. Manqalı
hazırladılar. Kömür də, doğranmış taxta da vardı. Ət xırda-xırda doğranıb şişlərə
çəkildi.
Kamilin
yaxşı zoğal, həm də tut arağı vardı. Onları süfrəyə qoydular. Boşqablar,
salatlar, mineral sular düzüldü. Baş soğan, sarımsaq da öz yerində. Kabablar
hazır olana qədər pendir-çörək və pomidor-xiyarla adama yüz qram vurdular.
Kamil manqalın yanında idi. Ona müraciətlə:
-Kamil,
təbrik edirik, xeyirli olsun. Gün o gün olsun, təhsilini başa vursun, yığılıb
qeyd edək!
-Amin!
İçdilər.
Kabablar gəldi. Doyunca yedilər. Məclis tamama yetəndə Kamil dostlarının
fikrini öyrənmək istədi:
-Hə,
qonaqlıq necə oldu, xoşunuza gəldi?
Hamı
bir ağızdan:
-Əla
idi, əla.
Cəmil
özünü saxlaya bilməyib:
-Yaxşı
idi sənin qonaqlığın, amma…
-Nə
amma?
Rəsul
onun ətəyini çəkdi, o isə dartınıb sözünü axıra qədər dedi:
-Kabab
yaxşı bişmişdi, amma nə isə ətin dadı yox idi.
Məsələ
açıldığından o birilər də başları ilə təsdiq etdilər:
-Doğrudan
da, quzu gözümüzün qabağında kəsildi, əmlik quzu idi, amma ətin dadı yox idi.
Dostlar
elə bildilər ki, onların sözləri Kamilin xətrinə dəyəcək. Fikirləşəcək: ”Bu da
onların “sağ” olu. Yeyib içiblər, indi də süfrəmi bəyənmirlər”.
Amma
onların düşündüklərinin əksinə olaraq Kamil gülərək:
-Sözünüzdə
həqiqət var, - dedi. – Quzunun dadı haradan olsun? Bu quzu mənimlə birgə
televizora, futbola, kinoya, konsertə baxır, radioya qulaq asır, mənimlə
çiyin-çiyinə əyləşib yemək yeyir, mineral su içir, yıxılıb eyvanda yatır. O da
mənim bir tayım idi. Mən ona, o da mənə həyan idi. Sizdən keçə bilmədim, verdim
bıçağın ağzına. Ondan nə dad gözləyirdiniz? Ot, yonca, dağ çiçəyi yeyən,
meşənin təmiz havasını ciyərlərinə çəkən heyvanın əti dadlı, ləzzətli olar… Hə,
belə-belə işlər...
Blogger ŞƏRHLƏRİ
Facebook ŞƏRHLƏRİ