Son günlər bir çox KİV-lərin gündəmini Adnan Oktar və A9 telekanalında
onunla birlikdə verilişlərdə iştirak edən qadın tələbələri məşğul edir.
Bəziləri bu qadınların İslamı təbliğ etməsinə qəti şəkildə etirazlarını
bildirir, bəziləri qadınların geyimləri
ilə şou yaratmaq istəyir, bəziləri isə Adnan Oktarın və qadın tələbələrinin
bir-birlərinə iltifatlarını qabardaraq ictimai qınaq obyektinə çevirmək
istəyirlər. Əsas məqsədləri bu məsələləri şişirtməklə kütlə psixologiyası
yaratmaq, ictimai qınaq formalaşdıraraq bu fikirlərə qarşı olduqları mesajını
verməkdir. Quranı oxuyan hər bir insan tarix boyu müsəlmanların belə hallarla
qarşılaşdığını, onların daim buna hazır olduqlarını bilir. İnkarçıların müsəlmanlara
qarşı bütün cəhd və planları yalnız onların imanlarını daha da artırmış və
gücləndirmişdir.
“Onlar
o kəslərdir ki, adamlar onlara: “Camaat sizə qarşı toplanıbdır, onlardan
qorxun!”– dedilər. Bu, onların imanını daha da artırdı və onlar: “Allah bizə yetər.
O nə gözəl Qoruyandır!”– dedilər.” (Ali İmran surəsi, 173)
Allah Maidə surəsinin 54-cü ayəsində müsəlmanların xüsusiyyətlərindən
bəhs edərkən onların qınayanların qınağından qorxmadıqlarını bildirir. Bütün
vaxt və imkanlarını, Allah rizası üçün heç bir mənfəət güdmədən, insanların
yaradılış məqsədinə uyğun yaşamasına, gözəl əxlaqa yiyələnməsinə, mərhəmətli və
sevgi dolu gəncliyin yetişməsinə sərf etmələrinə baxmayaraq, bəzi pis niyyətli
insanlar öz ağıllarınca müsəlmanların cəhdlərinə mane olmaq, onları şər və
böhtanla gözdən salmaq, etibarlarına
xələl gətirmək istəyirlər. Bu da səmimiyyətsizlikdən qaynaqlanır. Əgər
müsəlmanların söhbətləri, həyat tərzləri müəyyən suallar doğurursa bunu onların
özlərindən soruşmaqla suallarına cavab tapa bilər və ya fikirlərini birbaşa
onlara ünvanlaya bilərlər. Ancaq Quran əxlaqının yayılmasının qarşısını almaq
istəyən bu insanlar səmimi davranaraq məsələni araşdırmaq əvəzinə, birbaşa
kütləyə xitab edir, cəmiyyətin “həssas məqamlarına” toxunaraq insanlarda səmimi
müsəlmanlara qarşı mənfi fikir formalaşdırmaq istəyirlər.
“Onlar Allahın
nurunu (islam dinini) ağızları ilə söndürmək istəyirlər. Allah isə - kafirlərin
xoşuna gəlməsə də, öz nurunu tamamlayacaqdır.” (Saff surəsi, 8)
Saff surəsinin 8-ci ayəsində ''ağızları ilə söndürmək istəyirlər''
ifadəsi inkar edənlərin müsəlmanlara qarşı KİV-lərdən istifadə edəcəyinə işarə
ola bilər (doğrusunu Allah bilir). Çünki inkarçılar tək bir insanın
müsəlmanlara qarşı təxribat xarakterli danışığının heç bir təsiri olmayacağını
çox yaxşı bilirlər. Buna görə də kütlə psixologiyasından istifadəyə üz
tuturlar. İnsanlarda müsəlmanlara qarşı mənfi fikir formalaşdırmaq üçün birbaşa
geniş kütlələrə müraciət edir, bununla müsəlmanlara zərbə vuracaqlarını zənn
edirlər. Quranda tarix boyu müsəlmanlara
zərər yetirmək istəyənlərin eyni üslubdan istifadə etdiklərini görürük. Hz.
Musa ilə fironun dialoqu buna ən bariz nümunə ola bilər.
“Firon
dedi: “Aləmlərin Rəbbi nədir? (Nə cür şeydir?)”(Musa: ) “Əgər yəqin
inanacaqsınızsa, (bilin ki) O, göylərin, yerin və onlar arasında olanların
Rəbbidir!” – deyə cavab verdi.(Firon) ətrafındakılara: “Eşitdinizmi?” – dedi.
(Musa)
dedi: “O sizin də, ulu babalarınızın (keçmiş atalarınızın) da Rəbbidir!”(Firon
ətrafındakılara: ) “Sizə göndərilmiş peyğəmbər, şübhəsiz ki, divanədir!” –
dedi.” (Şuəra surəsi 23-28)
“Onlar
(Musaya və Haruna): “Bizi atalarımızın tapındığı dindən döndərmək, özünüz də
yer üzündə böyüklük etmək üçünmü gəldiniz? Biz sizə iman gətirən deyilik!” –
dedilər.” (Yunus surəsi, 78)
Musa peyğəmbər ve
firon arasında keçən bu dialoq inkarçıların cəmiyyətdə müsəlmanlar haqqında
mənfi fikir formalaşdırma cəhdlərinə gözəl nümunədir. Çünki firon üzünü onunla
söhbət edən Musa peyğəmbərə deyil, xalqa tutaraq sözləri ilə onları
istiqamətləndirməyə, Allahın dinini təbliğ edən peyğəmbər haqda mənfi fikir
yaratmağa cəhd etmişdi. Hər cür ittihamla xalqı Musanın sözlərinə iman
gətirsələr onları dinlərindən azdıracağına, haqq dini təbliğ etməkdən başqa heç
bir məqsədi olmayan elçinin iqtidar həvəsində olduğuna və maddi maraq güddüyünə
inandırmağa çalışmışdı. Nəticədə bu təlqinlərin təsiri altına düşən
insanlarla yanaşı hadisələrə kütlə psixologiyası ilə deyil, fərdi və vicdanlı
yanaşan insanlar da olmuşdu.
İndi nə Musa
peyğəmbər, nə də firon var. Onların xəbərlərini biz Qurandan və tarixi
mənbələrdən oxuyuruq. Quranda hadisələrin gedişatından hz.Musanın iqtidar
həvəsində olmadığı, ona qədər özlərini təqva sahibi hesab edənlərin, əslində,
hz.Yəqub və hz.Yusifin dininin təhrif olunmuş formasını yaşadıqları və sən
demə, Musa peyğəmbərin sözlərinin haqq olduğu və onun Allahın rizasından başqa
heç nə güdmədiyi bizə məlumdur. İndi siz düşünün, cənablar, günümüzdə cərəyan
edən hadisələrə və dövrümüzdəki müsəlmanlara atılan böhtanlara, hz.Musa
qissəsində olduğu kimi, gələcəkdə dodaq dişləyib "kaş etməyəydim”
deyəcəksiniz, yoxsa hadisələri və şəxsləri Quran işiğında
dəyərləndirəcəksiniz?
Hz.Musadan başqa
Quranda bəhsi keçən digər peyğəmbərlər və iffətli qadınlar zina ilə şərlənmiş,
peyğəmbərlərin bir çoxunu da öz qövmü dəli adlandırmışdır. Ancaq Allah
Quranda Ona və axirət gününə iman gətirən hər bir müsəlmana istənilən şəxs və
ya hadisə haqqındakı xəbərlərə araşdırmadan inanmamağı əmr edir:
“Ey
iman gətirənlər! Əgər bir fasiq sizə (pis) bir xəbər gətirsə, dərhal (onun
doğruluğunu) yoxlayın, yoxsa bilmədən bir qövmə pislik edər, sonra da
etdiyinizə peşman olarsınız!”(Hucurat surəsi, 6)
Müsəlmanların
tərəddüdə düşmədən inanclarını yaşamasına ən böyük dəstəyi ömrünün 40 ilə yaxınını
İslamın, Quran əxlaqının yayılmasına sərf edən, bunun üçün 300-dən çox kitab
yazan, İslamın önündə ən böyük əngəl olan materializm fəlsəfəsini elmlə çürüdən
Adnan Oktar vermişdir. Məhz İslam əxlaqının yayılmasını istəməyən, dünyanı
“ağ-qara ekrandan” seyr etməklə kifayətlənən solçuların cənab Adnan Oktar və
tələbələrinə qarşı münasibətləri heç də hz.Yusifə (ə.s) və hz.Məryəmə (ə.s)
zina iftirası atan, hz.Muhamməd (s.ə.v), hz.Lut (ə.s), hz.Saleh (ə.s) kimi
peyğəmbərləri dəli adlandıranlarınkından fərqlənmir. Ancaq bu dar düşüncəli
insanlar bilməlidirlər ki, müsəlmanlar inkarçıları da, onların etdiklərini də
Allahın yaratdığını bilirlər (Saffat surəsi, 96). Siz olmasanız müsəlmanlar
Allaha olan sədaqətlərinə, bağlılıqlarına necə şahid ola bilərlər?! Atdığınız
böhtanlar, qaralama kampaniyaları müsəlmanlar arasında təsanüdü artırmaqdan
başqa bir nəticə verməyəcək, axirətdə aşılmış imtahan kimi əməl dəftərlərindən
oxunacaqdır.
Ramil Rüstəmov
Blogger ŞƏRHLƏRİ
Facebook ŞƏRHLƏRİ