Avropanın, Amerikanın, Rusyanın Osmanlı dövlətinə
nifrət bəsləmələri normaldır ancaq, bəzi üzdən iraq və hələ üstəlik özlərini
“Türk milliyətçisi” adlandıran kimsələrin Osmanlıya düşmənçilik etmələri
heç də başa düşülən bir şey deyil.
Təəssüflər olsun ki, bu düşmənçilik artıq Azərbaycan “milliyətçilərinə” də sirayət edib. Ötən dəfəki “Yeni Milliyətçilər”
yazımda özlərinə “milliyətçi” adlandırıb, Türkiyəni az qala düşmən qəbul edənlər
haqqında bəhs etmişdim. Bu işin üzərine biraz daha getdim.
Diqqətimi çəkən ilk şey bu nifrətin köklərinin
Türkiyədən deyil, məhz Osmanlıdan başladığıdır. Bu iş o qədər dərinləşib
ki, adamlar Osmanlını adını belə eşitməyə
həzm edə bilmirlər. Hətta bəziləri 1918-ci ildə Azərbayacana kömək üçün gələn Osmanlı ordusu haqqında “yox onlara Osmanlı ordusu
deməyin. Onlar Osmanlı ordusu deyil, Qafqaz Islam Ordusuydu” deyirlər. Mən anlamıram Qafqaz Islam Ordusu kimin ordusuydu??? Ordunun zabit və
əsgərləri hansı dövlətin
əsgərləriydi???
Bu tip “milliyətçilərin” bəziləri də,
Osmanlıya düşmənçiliyi Səfəvi-Osmanlı müharibəsinə görə dəyərləndirirlər. Ancaq bir şeyi anlamırlar
ki, Səfəvi-Osmanlı müharibəsi bir irq,
bir millət müharibəsi və ya bəzilərinin zənn etdiyi kimi torpaq müharibəsi
deyildi. Səfəvi-Osmanlı müharibəsi bir
ideologiya müharibəsiydi. Doğru və ya yalnış bu müharibə oldu və bitdi. Bizim
birlik və bərabərliyə ehtiyac duyduğumuz vaxtda bu hadisəni şişirdib önə çıxartmaq nə dərəcə doğrudur?!
Əksəriyyət isə elə düşünür ki, Osmanlı
Türkiyəyə aitdir. Azərbaycanla heç bir əlaqəsi
yoxdur. Bunun da səbəbi odur ki, bəzi kəslər tarixi hadisələrə, tarixdə baş verənlərə
bugünün baxışıyla baxıb bugün ki şəraitdə
dəyərləndirirlər. Bu isə çox yalnış
düşüncədi. O zaman ki Azərbaycan dövlətlərini (Qaraqoyunlu, Agqoyunlu, Səfəvi) dövlətlərini
quranlar kimi, Səlcuqlu və Osmanlı dövlətini
də quranlar Oğuz Türkləri deyildimi???
Ancaq təəssüflər olsun ki, o kəslər bunları düşünmür.
Bir şeyi anlamaq lazımdır ki, əgər biz Türk birliyi istəyiriksə, Türk tarixinə
kəsik-kəsik, parça-parça deyil, bir bütün olaraq baxmağı öyrənməliyik. Qəbul etsəniz də, etməsəniz də Osmanlı
dövləti, Türk tarixinin ən böyük dövlətlərindən biridi . Bu gerçəyi heç kim və
heç nə dəyişə bilməz!!!
Sənan Türk Kazımoğlu
Blogger ŞƏRHLƏRİ
Facebook ŞƏRHLƏRİ