Toplayıb gücünü yenə də aran,
Səmaya üz tutur,yerdən dirçəlir.
Qışdan borc aldığı vaxta,vədəyə,
Mənim qış ömrümə yenə yaz gəlir.
Daha üşümürəm,boran,çovğuna,
Şaxta qılıncını qoymuşdur, qına.
Gözümün şaxından,buz sına-sına,
Mənim qış ömrümə yenə yaz gəlir.
Hər yan yavaş-yavaş,yaşıla dönür,
Səsləyir,o yandan bu dağlar məni.
Qışın dərd-sərinə batan könlümdə,
Yuyub,təmizləyir,bulaqlar məni.
Açılır,könlümün o sən gördüyün,
Paslanmış,kir tutmuş qaşı-qabağı.
Sənsiz,cürət edib qışı gömdüyüm,
Sənsiz yaşadığım yenə yaz gəlir.
Blogger ŞƏRHLƏRİ
Facebook ŞƏRHLƏRİ