Günay Həsənli - Özün getdin

Gözlərim də yol yorğunu,
Bezib səni gözləməkdən.
Dilim cadar-cadar olub,
Sənə tez-tez gəl deməkdən.

Mən ki, sevgi dilənmirəm,
Sənli, sənsiz içimdədi.
Nə rəngi var, nə də dadı.
Bilmirəm nə biçimdədi.

Bilirəm ki, mən boydadı,
Hərdən mənə sığışmayır.
Yarğan açmış sellər kimi,
O, alnımı qırışlayır.

Şəlaləyə dönür gözüm,
Sənsiz keçən hər anımda.
Özün getdin,qalıb izin,
Qayıt sevgim,ol yanımda…

Share on Google Plus

"eqoist": Unknown

Siz də öz yazılarınızı azizalibeyli@gmail.com və turalnuriyev679@gmail.com e-poçt ünvanlarına göndərə bilərsiniz.