Azadə Abdinova - cavabını bilmədiyimiz suallar

Bu yazıya dəfə baxılıb

Həyatda o qədər cavabın bilmədiyimiz suallar var ki gəl görəsən.Biri düşünür ki, görəsən benzinin qiyməti yenə qalxacaq, ya yox?Adama deyən lazım ,a qardaş pulun yoxdu, sat maşını, sənin canın bu fikirlərdən qurtarsın, bizim də canımız tıxacdan.Başqa birisi düşünür ki, görəsən Yerə yaxınlaşan o meteroit başımıza düşəcək, ya yox? A başına dönüm, nədən qorxursan? Biri var döydələnin tikintisindən bir taxta çıxıb düşə başına öləsən, biri də var göydən meteroit düşə öləsən. Buna deyərəm karlı ölüm.Səndən bütün dünya danışacaq,kef elə başını yorma.O biri də düşünür ki, görəsən bu qarşıda gələn yayın modasında hansı rəng üstün olacaq, ay sənin canın yanmasın, heç eşitmisən nənələrimizin paltarının rəngindən narazı qaldığını.Burda deyərlər oxşa oxşamışlarına.Eh dünya, nə qədər problem var səndə.Bir tərəfdən də bu Hacıbala müəllim öz cümləsi ilə türklər demiş şaşırtdı bizi.Kişi deyir ki, Azərbaycanda bir kişi var, o da prezidentimizdi.Mən bilən hərənin özünə görə kişiliyi var.Paytaxtımızı sökə-sökə tikən bu Hacıbala müəllim bizimlə razılaşmır ki ,razılaşmır.Arada fikirləşirəm ki, bəlkə başı yaman qarışıqdı Bakını sökməyə,ağzından çıxanı qulağı macal tapıb eşitməyib.Nədə olsa o boyda Montini, Papanini yox etmək balaca iş deyil.Yoxsa oturduğu yerdə niyə qarğiş yiyəsi olmaq istəsin ki.Bu ehtimalım doğru ola bilər öz aramızdı.Başqa cür necə ola bilər ki ,bir dövlət rəsmisi çıxıb xalqın bütün kişilərini (özü qarışıq)təhqir edə.Nəysə. Bu “kişi” sözü elə o vaxtı da Baba Pünhanımızı da narahat edib.Allah rəhmət etsin ona.Sözünü yadınıza salsam, bir savab da burdan qazanaram bəlkə.Pünhan deyib: O qədim Ankarada Pünhana erkək dedilər, Kişi bizlərdə imiş, sən deme ,türkdə “kişi” yox. Mən Pünhana inanıram.Kişilərimizin Allah canın sağ etsin, ölmüş kişilik varsa da ruhuna fatihə.

Siz də öz yazılarınızı azizalibeyli@gmail.com və turalnuriyev679@gmail.com e-poçt ünvanlarına göndərə bilərsiniz.