Bir
igidin ömrü boyda
zaman keçib
Minlərlə
igid doğulub sizdən
sonra
Sinənizdə
açılan güllə yerləri
qan verir hələ də
Ruhunuz
dolanır narahat,
Pəjmürdə..
Sizdən
sonra nələr oldu,
nələr...
Ehhhh..
Nələr...
Bu
torpaqlar qana susamışdı-sulandı
Qocalar-Siz
nə görmüsünüz ki?-deyib
dururdular
Müharibəni
gördük
Od
düşdü evlərimizə
Sizdən
sonra
Şəhid məzarı olmayan
bir kənd də
qalmadı
Daha
heç nə əvvəlki
kimi olmadı...
Sonra
susdu atəşlər
Məğlubiyyəti
daddıq
Çadırlara
sığındıq
Çöllərə
düşdük
Amma
tez dirçəldik
Hər
şeyin çəmini tapdıq
Düşmən
kənarda qaldı
Öz-özümüzün
canına daraşdıq
Özümüz
özümüsü sındırdıq
Özümüz
özümüzü öldürdük...
Düşmən
ocağı deyil
Öz
ocağımızı söndürdük...
Sonra
uğurlu siyasətin nəticələrini
dadmağa ,
İdman
sarayları
Avropa
standartlarına uyğun məktəblər
Bayraq
meydanları
Otellər
tikməyə başladıq
Düşmənə
dağ çəkmək üçün
Hər gedən rayonun
adına
Üç
şadlıq evi ucaltdıq
Adına
layiq müğənnilər də
yetişdirdik bu saraylara...
Cumduq
meşələrin, dağların canına
Dənizin
kənarına-
Çəpərləməyi
oyrəndik
“Torpağımızı
satdılar “ deyə dad
edirdik
Sonra satmağa
başladıq qalan torpaqları
Bir-birimizə...
Bir-birimizi
Yeni dəyərlər kəşf
elədik-
Gül
bayramımız da var hələ
Atəşfəşanlıq-filan...
Qılıncfason
tortlar...
Gör mətləbdən nə qədər uzaqlaşdım?-
24 il!
Az
deyil!
Bir
igidin ömründən də
çoxdur
Adınıza
layiq igidlərik daha...
Sizləri
də unutmuruq
İldə
bir yol yolları
bağlayırıq-
Şəhidlər
xiyabanına rahat gedə
bilək deyə
Ekranın
bir küncündə qərənfil,
Qara
lent də öz
yerində
Hə...
Deyəsən
o gün
Metro
da pulsuz olacaq
20 qəpik... yenə
hər nə...
...Sizdən
sonra
Bir atəşkəs xətti
də yarandı
O sərhəddin
o tayında
Bu
tayında
Ugrunda can verdiyiniz
nə vardIsa
Yoxdur
daha
Talandı...
17.01.2014.
Blogger ŞƏRHLƏRİ
Facebook ŞƏRHLƏRİ