Bu dünya binnət olalı,
Gəlib cahana dərvişlik,
Səhraya qaçan məcnuna,
Olub bəhanə dərvişlik.
Hamının işi Allahlıq,
Hllahlıq sabah-sabahlıq,
Hanı dərvişanə şahlıq,
Hanı şahanə dərvişlik.
Güzgüyə baxdıq utandıq,
Özgədən nələr umandıq,
Daha nə şahlıq sultanlıq,
Allah daha nə dərvişlik.
Gözəllər var aynaqabaq,
Camalından olmur doymaq,
Qızıl gümüş tabaq-tabaq,
Dostum şaha nə dərvişlik.
Çoxdan enib sözə qürub,
Çalınmır israfil suru
Arvad-uşaq üzə durub,
Akif ya hu nə dərvişlik.
Blogger ŞƏRHLƏRİ
Facebook ŞƏRHLƏRİ