Etibar Salmanov - Ü R Ə K

Bu yazıya dəfə baxılıb

Köksümü dağıdıb,çırpınan ürək,

Həm ruhun,həm cismin məskəni ürək,

Gördüyüm nə varsa beynimdə şəkli,

Mənası,söhbəti səndədir ürək.

Sevgilər,nifrətlər,hirslər,qəzəblər,

Yaşanan sevinclər,qəmlər,kədərlər,

Dünyadan zövq alan gözəl duyğular,

Sənin içindədir,ey böyük ürək.

Necə xəlq eyləmiş səni Yaradan,

İmzasın ürəkdə yazmış Yaradan.

Bu böyük dünyanı sənə sığdırmış,

Bütün duyğuların beşiyi ürək.

Ağrılar,acılar səndə saxlanır,

Unudulmaz sevgilər səni ağladır.

Etibarı insanlara bağlayır,

Yaradılmışların şahı,ey ürək.

17.06.2013.

Siz də öz yazılarınızı azizalibeyli@gmail.com və turalnuriyev679@gmail.com e-poçt ünvanlarına göndərə bilərsiniz.

Oxşar yazılar