baş qoyum dizin üstə,
saçlarıma sığal çək.
mənim kimi birisi
ömrünə gəlməyəcək.
mənə sevgidən danış,
yalan danış, razıyam.
aldanıb, için-için
sinən üstə uyuyam.
islansın yaxan-başın
ağlayım həzin-həzin.
batağ günah selinə,
bizi kimsə bilməsin.
hardan üz-üzə gəldik
harda, biz başıdaşlı?
sən sevgisi tükənmiş,
mənsə yaşından yaşlı.
yıxılaram, əzizim
sənsiz ciyərim yanar.
sənin yanından başqa,
ovunan yerimmi var?
Blogger ŞƏRHLƏRİ
Facebook ŞƏRHLƏRİ