Etibar Salmanov - Y A Ğ I Ş L A R

Bu yazıya dəfə baxılıb

Baxırıq göy üzünə, dolmuş buludlar,

Görünür yağacaq yenə güclü yağışlar.

Durmusan yanımda, gözlərində buludlar,

Bir sözümə bənd kimi, yağacaqdır yağışlar.

Fikrində şübhələr, yanlış olan xəyallar,

Bilirəm, inanmırsan yersizdir çox suallar.

Sənə yalan görünür verilən bu cavablar,

Bir sözümə bənd kimi yağacaqdır yağışlar.

Düşünürəm, neyləyim, silinsin gözlərindən,

Lazımsız şübhələr, yersiz dolan buludlar.

Nə deyim yenə də gülsün küskün könüllər,

Qovuşsun yanan ürəklər, tutuşsun əllər.

Allahım yardım et, sənə bütün ümidlər,

Qoy yağsın leysantək yenə yarın üstünə,

Etibarın qəlbindəki bitməz, sönməz sevgilər,

Bir sözümə bənd kimi yağacaqdır yağışlar.

20.09.2013

Siz də öz yazılarınızı azizalibeyli@gmail.com və turalnuriyev679@gmail.com e-poçt ünvanlarına göndərə bilərsiniz.

Oxşar yazılar