dəfə baxılıb
Bir insan haqqında danışanda onun mənfisindən danışdığımız qədər,
yaxşı cəhətlərindən də danışmalıyıq.
Baycanın
bir çox fikrini qəbul eləməsəm də, qəbul etdiyim bir şey var ki, o da Baycanın
çağdaş ədəbiyyatımızın güclü imzalarından olmasıdır.
Gənclərə kitab oxumağı sevdirməyə çalışan
biridir. Gəncliyi dəstəkləyən biridir.
Bu gün onun qarşı olduğum cəhətlərindən
danışmaq istəmirəm. Bu haqda “ Seymur Baycanın yetişdirdiyi gənclik” adlı bir
yazı yazmışam, maraqlananlar baxa bilərlər.
Onun “
Bu millət mənim yazdıqlarımı oxumağa layiq deyil” Sözlərini bir yanqı kimi qəbul
elədim mən, təhqir kimi yox. Çox sevdiyimiz, böyük yazarlarımızdan biri
yandığından “ Ay mənim eşşək millətim” kimi bir ifadə işlətmişdir. Onun bu sözlərini
ciddi qəbul etmir və onun millətini sevməsinə zərrə şübhə etmirik. Baycan da yəqin
ki, yandığından elə deyib.
Tv lərimizə baxaq, kimlər, hansı yazarlar daha
çox çıxır efirlərə. Qırmızı yanaq
xalalar, arvadının qeybətini qıran əmilər.
Bəs millətimiz bundan şikayətçidirmi? – Yox . Bəs bu xalalar və əmilər
bu millətə nəsə verə bilərmi?- Yox
Bunları düşünəndə Baycanın nə demək istədiyini,
niyə elə dediyini anlamaq olar. Yuxarıda adını çəkmədiyim yazarımızı da istəyənlər
araşdırıb, kim olduğunu öyrənə bilər.
İndi də bu qurbağa söhbəti çıxdı meydana.
Baxıram ki, Baycandan on dəfə ağlı az olan bəziləri statuslarında onun bu fikri
ilə “ Məzələnir” , güya ondan ağıllı olduqlarını düşünürlər.
Əminəm ki, elə Baycanın istədiyi də budur. O
bir zarafat edib, daha doğrusu belə bir hekayə uydurub ki, onun “ ağıllı” həmvətənləri
özlərinə, Baycanın simasında gülsünlər.
Kitab oxumuruq, oxuyanda da uzaq başı N. Kəsəmənlinin
sevgi şeirlərini oxuyarıq. Oxumadığımız üçün düşünmürük, düşünmədiyimiz üçün həyatımızı
yaşaya, öz gündəmimizi özümüz bəlirləyə bilmirik.
Bəli, cənablar Baycanın hər sözünü gündəm ediriksə, etiraf edək ki, o bizdən
ağıllıdır. Onun qarnındakı Qurbağaya isə uzun ömür arzulayıram, inşallah
Baycandan daha çox yaşayar( Yəqin ki, burada nə demək istədiyimi Baycandan
başqa heç kim başa düşməz. O da ki, mənim yazdığımı oxumağı özünə sığışdırmaz
ki, bu da onun MƏNFİSİ )
Tural Sahab
Blogger ŞƏRHLƏRİ
Facebook ŞƏRHLƏRİ