dəfə baxılıb
Anam...Anam, əllərinin qırışı qədər,
Mənim üz-gözümə qırış qonacaq,
Bir az da, bir az da oxşa balanı.
Qəlbinin məhəbbəti,əlinin hərarəti,
Barmaqlarından keçib üz-gözümdə
donacaq.
Bir az da, bir az da oxşa balanı.
Oxşa, nəvazişə ehtiyacı var.
Bəlkə, yaraları azca sağala.
Bilirsən, nə qədər ehtiyac
duyur?!
Titrək əllərindən gələn sığala.
Bir az da, bir az da oxşa balanı.
Çox, xoş üz göstərən olur adama,
Tək sənin təmasın səmimi, isti.
Xoş üz "səxavət"i göstərən
çoxu,
Səmimi olmaqda yaman xəsisdi.
Bir az da, bir az da oxşa balanı.
Enişlər-yoxuşlar çıxdıqca önə.
Başı daşdan-daşa dəyər adamın.
Üzə gülənlərin saxtalığını,
Qulağı sonradan, duyar adamın.
Bir az da,bir az da oxşa balanı.
Blogger ŞƏRHLƏRİ
Facebook ŞƏRHLƏRİ