dəfə baxılıb
Özkeçmiş
Elxan Sultanlı 1996-cı ildə Bakı şəhərində anadan olub. 2013-cü ildə
Bakı şəhəri, Sabunçu rayonu N.Nərimanov adına 128 orta məktəbdən məzun olub.
Hazırda Bakı Texniki Kollecində təhsil alır.
UZAQLARDAN MƏKTUB
Mən Razi Barre Somalinin Mogadişu şəhərində
yaşayıram. Əgər yaşamaq demək olarsa. Mənim 16 yaşım olmasına
baxmayaraq, 30kq çəkim var. Mən yaşda olan normal uşaqların 50-60 kq və
daha artıq çəkisi olmalıdır əslində. Amma Somalinin indiki gəncliyi maksimum 40 kq
cəkidə qiyaslanır. Burada təhsil də
acınacaqlıdır. Təkcə bölgələrdə deyil, elə paytaxtın özündə də uşaqlar heç
ibtidai təhsil belə ala bilmirlər. Kitab və dərsliklərdənsə ümumiyyətlə söhbət belə gedə bilməz. Ölkə
böhran vəziyyətindədir. Xalq yeməyə çörəyi güclə tapır, buda günlük normanın
30%-ni belə ödəmir. Gün ərzində azı 50 nəfər dünyasını məhz aclıqdan dəyişir.
Ölkənin ən böyük problemi isə su problemidir. Bildiyiniz kimi, Somali isti və sərt
iqlimə malik bir ölkədir. Ona görə burada suya olan tələbat da çoxdur. Hətta mən
deyərdim ki, ölkədə aclıq və səfalətdən də birinci yerdə su problemi
durur. Dünyanın ¾- nün su olmasına baxmayaraq bunlardan cəmi 1%-i içmək üçün
yararlıdır. Siz azərbaycanlılar suya lazımınca qiymət vermirsiniz. Bilmirəm,
niyə siz və dünyadakı əksər xalqlar suyun qiymətini, onun həyati önəmini ya görmürlər, ya
da görmək istəmirlər? Mən
özüm dəfələrlə susuzluqdan yaxa qurtarmaq üçün yararsız sulardan içmək məcburiyətində
qalmışam. Somali və bir
çox Afrika ölkələrindəki insanlar da mən kimi çirkab sularından içmək üçün
istifadə edirlər. Bütün bunlarsa özlüyündə müxtəlif iltihabi xəstəliklərə gətirib
çıxarır. Onsuzda xəstəliklər, aclıq və səfalət ölkəni cənginə alıb, bir də bu
tip problemlər ortaya çıxır. Hər il BMT-də Somaliyə təkcə su yardımı üçün
1.000.000 ABŞ dollarından çox vəsait ayırır. Beynəlxalq təşkilatlar və bir çox
inkişaf etmiş ölkələrin yardımları ilə ildə milyonlarla litr içməli su və ərzaq
ölkəyə gətirilsə də bütün bunlar heç xalqımızın 10% ehtiyacını ödəmir. Əksinə
xalqı daha da acınacaqlı vəziyyətə sürükləyir bizi, çünki ölkəyə edilən bu biçimli
yardımlar borc xarakterlidir ve gec tez geri ödənilməlidir. Bu vəziyyətdə olan
dövlət üçün bu qədər borcu geri ödəməkdə özlüyündə böyük iqtisadi problemlərə
yol açır. Bu il avqust ayında kiçik qardaşım Muhammed Barre susuzluğa dözməyib
40 dərəcədən də yuxarı temperaturda vəfat etdi. O dəhşətli gündə qardaşımla
birgə ətrafda yaşayan 5 uşaq da dünyasını dəyişdi. İldə
100-lərlə belə uşaq dünyasını dəyişir. Susuzluq o həddə çatıb ki, hətta sərin
keçən noyabr, dekabr aylarında ölkədə hər adam başına düşən suyun miqdarı 1
litri keçmir. Hələ bu qış aylarındadır. Yaz və yayda adam başına heç 300qr belə
su çatmır. Normal insan gündə 7-10 litr su tükətməli olduğu halda bizim vətəndaşlar
hətta dekabr ayında 1 litr suyu güclə tükədirlər. Nəzərə alsaq ki, qəbul olunan
bu su normanın heç 10- 15%-ni belə təşkil etmir və mənşəyi bilinməyən yerlərdən, yəni gölməçələrdən və
s. içilirsə, bizim halımızı təsəvvür edə bilərsiniz. Düzdür, ölkədə mineral su
qaynaqları olsa da, heç bir faydası yoxdur, çünki ölkədə gedən iqtisadi böhran bu tip
yerlərdən istifadəyə icazə vermir. Siz də,
mənim məlumatlarıma
görə, badamlı, sirab və s. mineral su qaynaqları var. Sizə tövsiyəm, o suların hər damlasından səmərəli
istifadə edin. Sizin hətta
qıyıb heyvanınıza vermədiyiniz çirkab suyuna belə biz möhtacıq və o suyun bir damlası bizə hava,
su kimi vacibdir. Unutmayın, həyat üçün vacib dörd ünsürdən biri də sudur. Bakı
və ətraf rayonlarda içmək üçün yararlı sular bilərəkdən kanalizasiya sularına qatılır. Bu
hallara qəti yol verməyin! Hər şey sizdən başlayır. Əziz həmyaşıdlarım, çalışaq
nə sizin, nə də bizim ölkədə su boş yerə işlədilməsin. Məndə sizlə bir
yaşdayam, düzdür, təhsilim sizin qədər güclü, yaşayış tərzim sizin qədər yaxşı
olmasa da, mənim də yaşamağa
haqqım var hər bir insan kimi. Yaşamaq üçün də hava, od, torpaq kimi su da
vacibdir. Unutmayın!
Bu məktubu sizə mən yazdım, Razi Barre Somalidən...Düzdü mən bunu başqasının
adından yazdım, amma kimsə yazdıqlarmı oxuyub fikrində müəyyən qədər dəyişiklik
yaranarsa çox xoşbəxt olaram... Həmyaşıdlarıma səslənirəm, SUYU QORUYAQ!!!
Blogger ŞƏRHLƏRİ
Facebook ŞƏRHLƏRİ