dəfə baxılıb
Şeirə köhnə deyən, sözə xor baxan,
Hava da köhnəlib, su da köhnəlib.
Bu dünya özü də yaman köhnədir,
Sıradan qalmayıb bu da köhnəlib.
Dünyaya nur verən ona rəng qatan,
Gördüyün günəş də köhnə günəşdi.
Aləm yaranandan bir gün ötəli,
Təzə günəşimiz çox köhnələşdi.
Mənim də dərdlərim yaman köhnədi
Dəyiş dərdlərimi, dəyiş təzələ.
Köhnə dərdlərimlə aram yoxdu heç,
Bəlkə təzələrlə aram düzələ.
Dünyada bir doğum, bir ölüm təzə,
Onu da bir dəfə dadır insanlar.
Qalan hər nə varsa köhnə-kürüşdür,
Dəyişsin “hər şeyə” qadir insanlar.
Blogger ŞƏRHLƏRİ
Facebook ŞƏRHLƏRİ